* عيشة من الجديدة : طاجين اللوبيا // نصف كيلو لوبية مرطبة ، طاجين الطين ترقدي فيه الدجاج مع الخرقوم عرق و التحميرة و الملح و الابزار و سكينجبير و الثومة و زيت أركان و يطيب على الفاخر بالمهل ثم تشلظي بصلة .
تسلقي اللوبيا و خاصها تبقى واقفة و تديريها فوق الطاجين يغلي شوية و يقدم .
- غريبة العسل : رابعة الكوك ، رابعة الكاكاو يطحن مع كاس و نصف سنيدة و يبقى الكاكاو بقشوره و 4 البيضات و 2 كيسان زيت و كاس الاربع عسل و 2 خمارات و تخلطي الكل و تكوريها ثم تغطسيها في ماء الزهر و تفنديها في السكر جلاصي و تطيبيها .
- تحضير العسل : 1 كيلو سنيدة و 1 لتر ماء ، و سريرة نديرو فيها : القرنفل ، القرفة عود ، الابزار حبوب ، الزعتر عريشات و طرف جوزة و حبوب الشاي و تعقديها و تطلقيها و تضيفي ليها نصف حامضة صاينة ، وتشدي الكوكوط و فاش تبدا تصفر تحسبي 20 دقيقة ثم تخليها تبرد عاد تفتحي و الا كانت جارية و تشعلي عليه النار مجددا مع التحراك بملعقة خشبية لمدة 5 دقائق .
طاجين اللوبيا البيضاء + غريبة العسل ب الكوك و كاوكاو + تحضير العسل من عند عائشة من الجديدة 22/01/2015
ليست هناك تعليقات:
إرسال تعليق
أترك بصمتك فرأيك يهمني و يشجعني لبدل مجهود أكثر