06 مارس 2015

غريبة كاوكاو او اللوز او الزنجلان + حرشة الدرة + كعك اسفي + بغرير+ املو + فلون كراميل بلا بيض مع هدى اليداري 05/03/2015

http://youtu.be/6k5uIAYt_fw

حلوى ديال دواز اتاي ديال كاوكاو او اللوز او الزنجلان - هدى اليداري
رابعة الكاوكاو او اللوز او الزنجلان محمر ومنقي ومهروش حبيبات صغار + م ك زبيب او 2 مجمد 48 ساعة ومطحون حبيبات نديرهم في كصعة + رابعة الزبدة + 100 غ شكلاط ابيض محكوك رقيق + فاني او قشرة ليمون او حامض - بالنسبة لاصحاب السكري 2 م ك عصير ليمونة و قشرة ليمونة – كاس سنيدة
نعجن الزبدة و مع سنيدة و الشكلاط و باقي المكونات + كاس زيت + 2 اصفر بيض ونعجن مزيااان باليد + الدقيق وخمارة وحدة شوية بشوية ويكون مغربل - ماتكونش قاسحة بزاااف
التزيين : نص رابعة كاوكاو منقي ومهروش بلا تحمار غير كنشفو في الفران شوية ونهرمشو
ندير حفرة صغيرة في الحلوى الوسط ونفند الوجه ديالها في ابيض بيض وندوزها في الكاوكاو ثم نص حب ملوك او كونفتير في الحفرة وندخلها الفران سخون 2 دقايق في لاطة مدهونة بزيت او ورق الطهي

حريشات الدرة - هدى اليداري
نص كيلو الدرة + كاس سميد رقيق ديال العنبة + بيضة + نص كاس زبدة مدوبة + 2 خمارة + كاس سنيدة + ربع كاس زيت + شوية النافع او الزبيب او بزوج بيهم + فاني ونبسبس الكل مع قبصة ملح بالاصابع ونضيف كاس عنبة ليمون وكاس عنبة حليب او نستعمل 2 كاس حليب او 2 كاس ليمون ونغطي العلبة ونخليها تشرب ربع ساعة او اكثر بقليل حتى تشرب وناخد كويرات نفندهم في السميد الرقيق ونديرهم في الاطة على شكل كويرات وندخلهم الفران سخون 10 دقايق ونخليها طيب غير من لتحت على نار مهيلة

كعك اسفي - فتيحة من وجدة وصفات السعادة
كيلو الدقيق + 2 كاس زيت + 2 كاس سنيدة كاس زنجلان كبير + بيضة + 2 م ك حبة حلاوة مطحونة + 2 م ك نافع مطحون + 2 خمارة + م ص خميرة عجين + ما دافي
ناخد المقادير ونديرها وسط الدقيق ونخلط حتى تولي عندنا عجين رطب ندلكوه مزيان
نديرها كويرات ثم على شكل قضيب ونديرها دمالج ونزينوها من الجوانب بسكين وندهنها باصفر بيضاة ونخليها تخمر ونديرها في لاطة وندخلها الفران

البغرير - هدى اليداري
2كاس سميد رقيق + كاس فينو اصفر رطب + قبصة ملح + 2 خمارة + م ص خميرة عجين مدوبة في شوية الما دافي + 5 كاس الما بارد من الروبيني ونطرب في خلاط كهربائي حتى ينسجم الخليط ونغطيه ونخليه يخمر تقريبا ربع ساعة في مكان سخو

املو باللوز و العسل - هدى اليداري
كيلو اللوز + كاس عسل او 2 حسب الدوق + 2 كاس اركان ونطحنو في 1-2-3

فلون الكراميل بلا بيض – هدى اليداري
زلافة صغيرة فيها 4 م ك سنيدة + 3 ساشي فلون ديال درهم + ايطرو حليب بارد ونطرب بالطراب اليدوي ونديرو فوق النار ونخليه يتقال يعني طلع فيه الغلية ونسم اما بالفاني او قشرة حامض او قشرة ليمون
الكراميل : 100 غ سنيدة في كاصرول + م ص الخل كنحرك فوق النار غير بيد الكاصرول حتى يولي اللون دهبي فقط ماشي بني
ناخد الكراميل نخويه في مول وفوق منو الخليط ديال الفلون ونديرو في الكوزينة يبرد نص ساعة وندخلو الثلاجة ساعتين

ليست هناك تعليقات:

إرسال تعليق

أترك بصمتك فرأيك يهمني و يشجعني لبدل مجهود أكثر