الدجاج معسل – هدى اليداري
ناخدو دجاجة مقطعة ومشرملة ب عود القرفة + نص م ص سكينجبير + م ص سنيدة + 2 حبات مسكة حرة مدقوقة + 1 ثوم محكوك رقيق + نص م ص السمن + م ك عصير الليمون + راس م ص ابزار + ملح + ربع كاس الما ونخلط + نص م ص عطرية الدجاج اختياري ونخلط ونخليه راقد نص ساعة ونديرها في طاجين فوق مقلة ثقيلة
ونشحرها يكون مغطي حتى يتشحر مزياان
2 بصلات او 4 حسب الدوق يكونوا متوسطين دوائر ونضيفهم على الدجاج ونغطيه ونخليها تدبل بدون ماء + نص كاس صغير ما دافي او كاس كامل فيه خرقوم وشوية زعفران حر حتى يطلق ونضيفو + م ص زبدة باش يجي المرق خاتر + الربيع مقبط في جنب وندير البصل لتحت و الدجاج الفوق ونخليه يطيب
مللي يقرب يطيب نضيف ربع زيت عود او عادي + نص م ص سنيدة ونرشها فوق الدجاج + قبصة قرفة فوق الدجاج ونغطيه ونخليه يتعلك ونخضرو من الفوق بالاناناس معسل او المشماش او البرقوق
التعسال ديال البرقوق او المشماش : نص رابعة مع نص كاس الما + عود قرفة + م ص زبدة ونخليه يطيب و ينشف ونضيف من بعد م ص زبدة + م ك سنيدة
تعسال الاناناس : في مقلة مع م ص زبدة وعود القرفة + م ك سنيدة ونخليه يتعلك
حوتة بالخضر معلكة – هدى اليداري
نشرمل الحوت ب : الربيع شي 4 م ك + 4 ثوم محكوك + سودانية او هريسة اختيارية راس م ص + عصير حامضة كاملة + م ص تحميرة + ربع م ص كامون + نص كاس زست عادي او عود + ملح + م ص كيتشوب + ربع م ص موطارد ونشرملوالحوت ب 2 م ك او 3 ونخلي ما تبقى
الخضر نقطعها دوائر
خيزو دوائر نشرحو مع الزيت و الملح و بصلة صغيرة مشلظة رقيق وورقة موسى تقريبا ربع ساعة على نار مهيلة
2 مطيشة كبيرة بدون زريعة بالقشرة نقطعها دوائر ونشحرها شوية على الجهتين
الفلفلة نشحرها حتى هي شوية حتى تدبل
في لاطة الفران مدهونة او فوق ورق الطهي ندير خيزو فوق منو بطاطا + مطيشة + الفلفلة + م ك لاصوص فوق منها + الحوت وفوق منو لاصوص اللي بقى مخلط مع م ص مطيشة الحك و ربع كاس الماء وندخلها الفران
اشارة مهمة : اللي بغى المرق كثير ما يشحرش مطيشة و الفلفلة ويضيف نص كاس الما اخر
فرماج للدهن - هدى اليداري
200 غ زبدة مرخوفة في خلاط كهربائي + 3 م ك حليب بودرة + 2 م ك عصير الحامض + نص كاس عنبة حليب سائل او ياغورت كريمي بدون سكر + قبصة ملح تقريبا ربع م ص ونديرو في علبة ونخليه ليلة كاملة في الثلاجة
الطوسط - هدى اليداري
نص كيلو الدقيق فورص او قمح + 2 م ك فورص + م ك زبدة مرخوفة + م ك حليب بودرة او نص كاس حليب سائل + م ك خميرة الخبز + خمارة + نص م ص سنيدة + م ص زيت + ملح ونعجن بما دافي ويكون العجين مرخوف ويتعجن مزياااااان ونغطيه ونخليه حتى يتضاعف الحجم ديالو
ونديرو وسط مول خاص به مدهون بالزبدة من بعد ما نكرصو على شكل مربع و نلويه
ايلا كان ديال القمح نرش ايضا النخالة فوق من الزبدة
ونخليه يخمر وندهنوه بالحليب ويدخل الفران
حساء الكرعة حمرا + هدى اليداري
كيلو كرعة حمرا منقية ومقطعة + ايطرو ونص الما + بصلة بيضة مقطعة عشوائيا + الربيع مقبط + م ص زبدة + ملح + ابزار غير قبصة ونسد ونخليها طيب
مللي طيب نطحنها + الدجاج قطع مشحرة مع 2 م ك الما و الملح و الابزار حتى يطيب ونضيفها
+ 2 فرماج أي نوع ونرجعها للنار + كاس قشدة طرية او 2 ياغورت كريمي بدون سكر مخلطمع نص كاس الما وعاد نضيفو
نص كيلو الدقيق فورص او قمح + 2 م ك فورص + م ك زبدة مرخوفة + م ك حليب بودرة او نص كاس حليب سائل + م ك خميرة الخبز + خمارة + نص م ص سنيدة + م ص زيت + ملح ونعجن بما دافي ويكون العجين مرخوف ويتعجن مزياااااان ونغطيه ونخليه حتى يتضاعف الحجم ديالو
ونديرو وسط مول خاص به مدهون بالزبدة من بعد ما نكرصو على شكل مربع و نلويه
ايلا كان ديال القمح نرش ايضا النخالة فوق من الزبدة
ونخليه يخمر وندهنوه بالحليب ويدخل الفران
حساء الكرعة حمرا + هدى اليداري
كيلو كرعة حمرا منقية ومقطعة + ايطرو ونص الما + بصلة بيضة مقطعة عشوائيا + الربيع مقبط + م ص زبدة + ملح + ابزار غير قبصة ونسد ونخليها طيب
مللي طيب نطحنها + الدجاج قطع مشحرة مع 2 م ك الما و الملح و الابزار حتى يطيب ونضيفها
+ 2 فرماج أي نوع ونرجعها للنار + كاس قشدة طرية او 2 ياغورت كريمي بدون سكر مخلطمع نص كاس الما وعاد نضيفو
ليست هناك تعليقات:
إرسال تعليق
أترك بصمتك فرأيك يهمني و يشجعني لبدل مجهود أكثر