حلوى الكاوكاو معلكة – هدى اليداري
كيلو كاوكاو كبير اخضر بالقشرة نطحنو بلا ما يتلين يبقى رقيق + 100 غ بودرة اللوز اختيارية + م ك ما زهر + 2 م ك الطحين + 2 حبات مسكة حرة مدقوقين مع شوية السكر + 250 غ سنيدة او سكر كلاصي + م ك زبدة مرخوفة + م ك الكليكوز او 2 م ك الكونفتير + 2 فاني + 2 خمارة ونجمعو بالبيض من 5 الى 8 البيضات غالبا كتجمع من 5 ل 6 البيضات كنضيف وحدة بوحدة .
نكورها اكبر من المشماشة شوية وندوزها في سكر كلاصي سبيسيال ونبسطها غير شوية ونحطها في لاطة وندخلها الفران سخون غير لتحت وبلا ما نشعل الفوق
السكر كلاصي سبيسيال : نص كيلو سكر كلاصي + نص كاس مايزينا + خمارة
بينيي – وصفات السعادة - لطيفة من مراكش
نص كيلو الدقيق + 2 بيضات + خميرة الخبز غير شوية مع نص خمارة + فاني + قبصة ملح + 60 غ سنيدة + 60 غ زبدة + رابعة حليب
الزبدة مع الحليب في اناء حتى يدوب في حمام مريم و نخليه يبرد شوية ونضيف باقي المكونات و الدقيق و الخميرة هما الاخرين ونخلط مزيااان ونخليها تخمر ساعة في بلاستيك غدائي ساعة او ساعتين ونطلقها بالمدلك ونطبعها بزلافة ولا كاس ونتقبها من الوسط برصغيرة ونقليه في الزيت و يتفند في سنيدة
الشيار - هدى اليداري
نص كيلو طحين فورص + نص رابعة فينو + شوية الخميرة ديال الخبز + م ك زيت + ملح + ماء سخون وخص العجين يكون خفيف بحال السفنج ... كيتعجن في بانيو ويتضرب باليد مزيااان ونغطيه ببلاستيك مدهون بالزيت و زيف ونخليه يخمر
من بعد نبدا نقطع باليد مدهونة بالما ونبدا نكرص فوق زيف ديال الخيش بالزيت او الما
ومن بعد نطيبو في المقلة
الملوي - هدى اليداري
رابعة فورص حرش + رابعة فينو + خمارة + م ك زيت او م ص زبدة + نص م ص سنيدة + ملح ونعجنو بالما بارد من الروبيني وندلكوه مزياان ونخليه يرتاح ساعتين
نديرو حرابل رقاق ونورق على طول وانا كندهن بالزيت و الزبدة ونرش بالسميد مخلط مع خمارة + م ك مايزينا او 2 خمارات بلا مايزينا ونلويه ونخليه يرتاح مزيان ونعاود نكرص بالزيت و الزبدة ونديرو في المقلة
ليست هناك تعليقات:
إرسال تعليق
أترك بصمتك فرأيك يهمني و يشجعني لبدل مجهود أكثر